Hona hemen aurtengo mendiolako jaietako egitaraua. Handiago ikusteko klikatu irudian.
Montblanc herritik etorritako lagunek catalunyan ohikoak diren torraires eta dimonis ikuskizunak ekarriko dizkigute larunbatean.
Aurten mendiolako jaietan Abadiñoko gazte asanbladak txosna jarri eta jaietako ekimen ezberdinetan parte hartuz auzo honetako jaiei bultzada ematea espero dugu. Beraz danon laguntza eta inplikazioa beharko dugu merezitako jai batzuegaz goza dezagun.
Ostiralean ume nahiz helduentzako magoa izan genuen Abadiñoko gaztetxean.
Ume asko batu zituen magoak, hau ikusita umeei zuzenduriko beste emanaldiren bat izango dugu laister.
Abadiñoko umeak beraientzat eskainitako ikuskizunak eskatu eta eskatu daude. Uztailaren 3an ume eta nahi duen orok magoa ikusteko aukera izango dute Abadiñoko gaztetxean 17:30etatik aurrera.
Pasaden ostiralean Fridays crew, Strikers eta Cold revenge talde gipuzkoarrak izan genituen Abadiñoko gaztetxean. Uda badator, eta udarekin batera gazte asanbladak ekimen ezberdinak antolatuko ditu. Urteroko futbito txapelketa, erreka garbiketa, txalaparta ikastaroa, umeentzako magoa, filmeak... Zatoz ostiraleroko asanbladetara eta denon artean udarako aisialdi eskaintza zabala antolatuko dugu.
Atzo okupatu zuten iurretako gazte asanbladakoek hutsik dagoen etxe bat iurretako aita san migel plazan. Berriro ere 8 gaztetxe izatera pasa gara durangaldean. Iurretako gazte asanblada aurrera!!!
Ekainak 12an, 22:00etan "puntual" hasita kontzertuak izango dira Abadiñoko gaztetxean. Gipuzkoatik etorritako Fridays crew, Cold revenge eta Strikers arituko dira taulagainean.
Eztabaidekin eman genion hasiera larunbatean Otxandioko jaialdiari. Hemendik aurrera durangaldeko koordinadorak eta gazte asanbladek egin beharrekoak zehaztu genituen.
Eztabaidak luzerako jo zuten eta trikipoteoa berandu baña egin genuen. Egun hau antolatzen lagundu duten tabernetatik egin genuen trikipoteoa
Bazkarian 130 lagun inguru elkartu giñen. Beroaren gainetik gerizpea aurkitu eta bapo bapo bazkaldu genuen.
Bazkaldu ostean, Otxandioko plazan dagoen aterpean antzerkia ikusi genuen
AHTaren aurkako eta gaztetxeen defentsako Kalejira jendetsuari eman genion hasiera Otxandioko kaleak zeharkatuz.
Banderola eta pankartak nagusi izan ziren pankartaz beteriko herritik egindako manifestazioan
Zornotzako zaparrada batukada taldearen laguntzaz manifestazioak alaitasun ikutu bat hartu zuen. Manifestazioari ekitaldi batekin eman genion amaiera Otxandioko plazan.
Manifestazioa bukatuta, playback gaztetxeroari eman genion hasiera. Gutxi izan ziren playback-ean parte hartutako gazte asanbladak baña kalitate oneko ikuskizunekin harritu gintuen bertan hurbildutako jendetsari.
Gauean durangaldeko gaztetxe eta gazte asanbladen bideoa ikusi eta gero kontzertuei eman genien hasiera plazan.
Plazako kontzertuak Desperdizio, Halbstarke eta disorders izan ziren. Plaza handi geratu bazen ere bertan bildutakoak kalitate oneko kontzertuekin ederto gozatu genuen.
Eguna ondo bukatzeko, gaztetxean delirium tren-ez eta erromeria izan genituen goizeko ordu txikiak arte.
Anboto aldizkaritik jasotako berria. Handiago ikusteko klikatu irudian
"Partida ez da bukatu" kanpainako txapak borondatearen truke eskuragai dituzue Abadiñoko gaztetxean. Hartu zurea!
Tortilla txapelketarekin eman genion hasiera larunbatean kuadrillen egunari.
Tripa bapo bete ondoren poteoari ekin genion Abadiñoko tabernetatik
Orkresta kostra musika taldearen laguntzaz Abadiñoko kaleko giroa berotu genuen.
Adin guztietako jendea ikusi ahal izan genuen tabernetatik egindako poteoan
Gauean Abadiñoko musikari ezberdiñek bertsioak abestuz giro polita jarri zuten gaztetxean.
Bukatu dira jaiak! ordua zen! jaietan hille bat egon eta gero gogoak genituen egun hau heldu zedila. Bai traña-matienako eta Abadiñoko jaiak primerakoak izan dira. Uztailak 10-11 eta 12an Mendiola auzoko jaiak dira eta aurten gazte asanbladakook txosna jarriko dugu. Jaiak herritik herriarentzat!
Ostiralean, Iruñeatik etorritako matxin aktorearen eskutik "ni izango naiz the number one" antzezlana ikusteko aukera izan genuen.
3. aldia da matxin gurekin dagoela, eta aurrekoetan bezela gaztetxea bete-bete zegoen.
Durangaldeko gaztetxe eta gazte asanbladek prentsaurrekoa egin dugu Maiatzaren 30eko jaialdira dei eginez. Hona hemen prentsaurrekoan irakurritakoa:
Orain dela 8 urte, atzean daukagun atetik, Otxandioko gazteok etxe honetara sartu eta okupazioaren bitartez herriko gaztetxe bilakatu genuen. Hemen bezala Elorrixon, Atxondon, Abadiñon, Durangon, Mañarin, Iurretan, Zornotzan, Berrizen eta Zaldibarren ere okupaziorako hautua egin genuen: Herriko etxe zaharrak okupatuz, berriztatuz eta urteetan zehar autogestioaz aurrera eginez. Manifestazioak, antzerkiak, kontzertuak, bazkariak, herriko jaien eta kulturaren bultzadak, guzti hau eta gehiago gure herrietako errealitate gordina aldatu asmotan. Oztopoak oztopo, esan dezakegu partida hau irabazten gaudela. Durangaldeko herrietan ugariak izan dira baita ere gazte asanbladek aurrera eramandako borrokak. Euskararen aldekoak, AHTaren aurkakoak, proiektu komunikatiboen aldekoak, aisialdi eredu ezberdin baten aldekoak, gaztetxeen aldekoak... Egun 7 gaztetxe daude gure eskualdean eta herri bakoitzean gaztetxe bat egon arte ez dugu amore emango. Nahiz eta denen gustokoa ez izan, herriek behar dutelako eta beharko dutelako, herri bat gaztetxe bat!
4 urte pasa dira durangaldeko gaztetxe eta gazte asanbladek koordinazio faltaren ondorioz batzen hasi eta elkarrekin ekimen ezberdinak antolatzen hasi ginela. Urte honen hasieran, "partida ez da bukatu" kanpainari hasiera eman genion, ekimen ezberdinak eginez. Duela 2 hilabete, Elorrixoko kaleak gaztetxeen defentsako eta AHTaren aurkako oihuekin bete genituen, eta Maiatzaren 30ean, kanpainari bukaera emango diogu jaialdi bat eginez Otxandixon.
Gazte guztiak Otxandixora etortzera animatzen ditugu. Aldi berean, maiatzaren 29an durangon izango den AHTaren aurkako gazte manifarako deialdia ere egiten dugu. Jake mate trenari!
PARTIDA EZ DA BUKATU!
Informazio gehiagorako klikatu HEMEN
